A finales del sieglu XIX y entamos del XX, miles d’asturianos emigraron a América, continuando un pelegrinaxe bien asentáu dende tiempu atrás. Cola maleta llevaron tamién la tradición sidrera, que caló especialmente en países como Arxentina, Cuba, Méxicu o Uruguái.
En dellos casos, instaláronse llagares y formáronse asociaciones asturianes que caltuvieron vivos los rituales, el vocabulariu y l’afición pola sidra como seña d’orixe. Sobre too, dio pasu al desendolcu de la industria de la sidra xampanizao, destinada en principiu pa satisfacer la demanda de la colonia asturiana nes repúbliques americanes.
Esti fenómenu convirtió la sidra nun símbolu identitariu que trespasa fronteres, reforzando la memoria coleutiva emigrante.
Na actualidá, con un 50 % de la mocedá asturiana forzada a emigrar, la sidra persigue actuando como símbolu identitariu de xunión ente los emigraos y ente estos y Asturies.