P’algamar l’Acreítación del Cursu Sumiller de Sidre -Nivel Básicu- ye preciso aprobar el desamen teóricu y práuticu que se fradá al finar el cursu. L’entítulu llevará incluyía la nota media final (teoría y práutica). Los alunos que nun superen el 5 nel desamen teóricu, deberán faer una recuperación del mesmu.
Ca falta d’asistencia descontará 0’25 puntos na nota final.
L’Entítulu emítelu la Escuela de Sumillería de la Sidre, de la Fundación Asturies XXI, fundación docente declarada d’Utilidá Pública.
L’acreitación enártase dientru lo que se conoz como ‘Educación nun reglada’, ello ye, nun ta regulada pol Ministeriu d’Educación y Formación Profesional y, per ende, nun tien valir académicu oficial.
Agora bien, esta entitulación permite alquirir competencies téuniques y tresversales, algamar certificaos y acreítar hores de formación; pudiendo ser valorada positivamente polos emplegaores en procesos de seleición
L’oxetivu de la Escuela de Sumillería ye algamar nun futuru prósimu la reconocencia d’un organismu públicu oficial, lo que permitiría que la entitulación fuere homologada.
