La producción de sidra n’Asturies remontaríase a l’Antigüedá. Ya nel sieglu I enantes de la nuesa
era, el xeógrafu Estrabón mencionaba’l so consumu polos astures “los astures beben sidra, vinu
nun tienen”.
Demientres el Reinu d’Asturies apaecen los primeros documentos testificando la presencia de
la sidra y la mazana. La referencia más antigua a les pumaraes que se conserva ye del añu 781 d. E.
nel acta de fundación de la ciudá d’Uviéu y el monasteriu de San Vicente.
Pel so llau, el términu sidra apaez por pirmer vegada nel documentu fundacional del Monasteriu
de Santa María la Real d’Oubona, Tinéu, nel añu 790.
A lo llargo de los sieglos, la sidra convertiríase n’un elementu distintivu de la cultura asturiana,
tresmitíu de xeneración en xeneración.