La sidra casero representa una de les formes más antigües y auténtiques de producción sidrera n’Asturies. Ellabórase nos llagares particulares, con medios tradicionales, pa consumu familiar, festexos llocales o espiches vecinales. Cada casa tien el so secretu y la so variedá de mazana predilecta, creando un productu únicu ya irrepetible, una ‘sidra d’autor’.
Nun hai normativa industrial, pero sí un códigu cultural compartíu: respetu al ciclu de la natura, saberes heredados, cooperación ente vecinos y una visión non comercial de la sidra. Participar na ellaboración casera ye un ritu d’unidá familiar y comunitaria, onde collaboren mayores, mocedá y neños.
Les asociaciones de sidra casero, cada vez más presentes, visibilicen esti patrimoniu, organicen concursos, formen a nuevos ellaboradores y favorecen la tresmisión de conocimientos. Defender la sidra casero ye tamién defender una manera de vivir, de compartir y de sentir Asturies, amás de ser un pegoyu de la Cultura Asturiana de la Sidra.