La pañada de mazana realízase principalmente ente setiembre y payares. Les families y los llagares recueyen les mazanes manualmente y en dalgunos casos con ayuda de maquinaria.
Una vez llimpies y seleicionaes, les mazanes máyense y pasen al prensáu. Los llagares tradicionales, de madera, siguen usándose en llagares caseros ya incluso en dellos industriales.
El resultáu del prensáu ye la ‘sidra’l duernu’ o ‘sidra dulce’, la que podíen tomar neñes y neños, que ye’l puntu de partida pa la fermentación natural que da llugar a la sidra.