L’asturianu ye la llingua d’Asturies, y tolos elementos de la vida asturiana esprésense nesa llingua.
La cultura de la sidra ye ún de los espacios onde l’asturianu meyor resiste la discriminación llingüística qu’esiste nel nuesu país (¡l’asturianu entá nun ye llingua oficial n’Asturies!!). La terminoloxía sidrera forma parte del léxicu tradicional que se caltién vivu
en toles xeneraciones. Esiste un riquísimu pallabreru sidreru destináu a evaluar, clasificar y valorar la sidra.
Conservar la sidra ensin la so llingua ye perder parte de la so alma. Por eso, ye fundamental caltener ya incorporar l’asturianu en tolos niveles del sector sidreru.