La cultura sidrera asturiana ye un universu complexu, ricu y fondamente enraigonáu na historia y na vida diaria del país. Dende la pumarada hasta’l culín compartíu nuna sidrería, cada xestu guarda sieglos de saber, tresmitíu xenaracionalmente, convivencia y celebración.
Ser parte d’esta cultura ye muncho más que consumir sidra: ye comprender el so valor, respetar l’orixe, participar na so tresmisión. Ye reconocer que lo llocal pue ser universal, y que protexer la sidra asturiana ye protexer un modelu de vida más humanu, comunitariu y sostenible.
Agora que se cuenta col reconocimientu de la UNESCO, ye’l momentu de reforzar la so vitalidá.
Instituciones, productores, families, visitantes y ciudadanía en xeneral tienen un papel clave na so salvaguarda y proyeición.
Dende equí convidámoste a conocer, esfrutar
y esparder la cultura sidrera asturiana.
Porque cada vegada que escanciamos un
culín, tamién tamos cultivando memoria,
identidá y futuru
Esta espublización cuenta con subvención de la Conseyería de Cultura, Política Llingüística y
Turismu del Principáu d’Asturies