Los chigres son muncho más que bares o restaurantes: son verdaderos espacios de socialización, cultura y vida popular asturiana. Nel chigre, la sidra ye protagonista, sirvese escanciada y acompaña conversaciones, cantares, xuegos de mesa y alcuentros informales.
Históricamente los chigres, fueron llugares de llibertá, referencia pa la clase obrera, la mocedá rural y l’activismu cultural. En munchos casos, los chigres funcionaron como centros de tertulia política, abellugu pa la música tradicional o escenarios de pequeños eventos llocales.
Los chigres más tradicionales caltienen una estética propia: pipa, barra de madera, cartelería n’asturiano y un ambiente acoyeor. Formen parte del ecosistema sidreru, tresmiten saberes populares y conecten a la xente cola cultura de la sidra d’una forma viva y cotidiana.