La sidra acompaña platos emblemáticos que son tou un tributu a la tierra asturiana: los tortos con picadiellu, les fabes, los oricios o los quesos del país, como’l Gamonéu, Cabrales o el casín. El so maridaxe ye natural y enriquez la esperiencia culinaria.
Pero amás de maridar, la sidra tamién actúa como ingrediente en la cocina, como ye’l casu de los chorizos a la sidra, la merluza o les amasueles a la sidra, cientu per cientu tradicionales. Pero les posibilidaes son munches y nun dexa d’ampliase la ufierta, siendo de destacar les Xornaes de Platos a la Sidra de Nava, con 40 ediciones celebraes.
Tamién ye ingrediente de repostería, cocina creativa o cócteles contemporáneos. Nesti ámbitu destaca la hostelería rural que la incorpora como parte del menú identitariu