Los neños siempres fueron protagonistes na Primera Sidre l’Añu, queremos tresmiti-yos la cultura de la sidra y sobremanera, queremos que lo pasen bien. Para ello, diseñemos un montón d’actividaes pensando nellos nes que van poder participar de manera gratuita.
MAYADA
Mayar la mazana nel duernu y prensarla depués para llograr la so propia sidra duce, como auténticos llagareros, ye una de les actividaes favorites del públicu infantil.
Dempués van compartir la sidra duce qu’ellaboren coles sos families.
XUEGOS Y ESPORTES TRADICIONALES
La xaronca, el tiru de cuerda, les carreres de sacos, la llave, los bolos … los xuegos de siempre lleven entusiasmando a xeneraciones y siguen siendo prestosos.
Tantu que munches vegaes los adultos tamién s’animen a participar.
TALLER INFANTIL D’ECHAR SIDRE
Una botella de sidre enlleno d’agua, un vasu, unes orientaciones y un pocu d’ayuda ye tolo que precisen estos campeones pa echar los sos primeros culetes… dalgunos con más puntería qu’otros, pero siempres pasándolo bien.
Tamién va facese un pequenu concursu d’echadores, nel que l’estilu y les ganes van puntuar enforma.
TALLER DE FACER PAXOS
Aprender daqué de les antigües tradiciones y trabayos, al empar que lo pasen bien ye una forma interesante de tresmitir les conocencies antigües. Nesti casu, la técnica básica d’ellaboración de paxos, perafayaizos pa pañar mazana.