La sidre La Morena, del llagar del mesmu nome, en Viella (Siero) ye la ganadora del Concursu de la Meyor Primer Sidre l’Añu 2025, convirtiéndose con ello na sidra oficial d’esta edición de la Primera Sidre l’Añu
Na Primera Sidre l’Añu espérenvos decenes de miles de llitros de sidre de más de cuarenta llagares… pero un n’especial va ser l’encamentáu pa esti añu, al ser reconocíu pol nuesu espertu panel de xuraos como la Meyor Primer Sidre l’Añu, ello ye, la sidre de mayor calidá d’esta collecha.
La selección realizóse d’ente toles sidres presentaes nuna doble xornada de tasties a ciegues abiertes al públicu na Sidrería La Montera Picona de Ramón. Seis fueron les finalistes que pasaron a la segunda fase: Germán, La Morena, Piñera, Prau Monga, Huerces y Cabueñes. D’ente elles, la que más puntuación llogró na final foi La Morena, siguida de Prau Monga, del llagar Viuda de Angelón (Nava) y Cabueñes (Xixón).