Ta empobináu a llagareros non profesionales qu’empleguen el sistema tradicional d’ellaboración de sidra en pipa de maera, coles mires de dar puxu al usu d’esti material para la so producción, que va cayendo adulces en desusu pola xeneralización de los depósitos de fibra de vidriu y d’aceru inoxidable.
Amás esti concursu ye de los pocos esistentes que tien ámbitu asturianu una y bones la mayoría de los que se cellebren, tán llindaos al conceyu nel que se convoquen. La recoyida de sidre va facese na mesma Primer Sidre l’Añu y ca ellaborador tien d’apurrir una caxa. Les deliberaciones del xuráu van ser públiques y al rematar el concursu va ufiertase a tolos presentes la oportunidá de probar tola sidre participante.
Los llagareros participantes van poder apurrir la so sidre -una caxa ensin nenguna señal distintiva nes botelles- na Primer Sidre l’Añu hasta’l mesmu domingu a les 13:00 hores, cuando entama’l concursu. .